फिल्म सेटमा सम्प्रादायिक व्यवहार गरेको आरोप लगाएकी काजोल कर्णलाई निर्देशक आचार्यले दिए यस्तो जवाफ

न्यूज ब्यूरो,  काठमाडौं । निर्देशक दीपक प्रसाद आचार्यले कलाकार काजल कर्णलाई जवाफ दिएका छन् । आचार्य निर्देशक रहेको चलचित्रबाट आफूलाई मधेसी भएकै कारण निकालिएको आरोप लगाएका पछि आचार्यले त्यसको जवाफ दिएका हुन् ।

आफ्नो टिमले विभेद गरेकोबारे जानकारी नरहेको उनले बताएका छन् ।

यदि, त्यस्तो भएको पाइएका आफ्नो ध्यानाकर्षण भएको आचार्यले बताएका छन् । सेटमा नआउने खबर पठाएपछि अर्को कलाकार खोजिएको उनले प्रस्ट पारेका छन् ।

पारिश्रमिक भने डविङ पछि दिने जानकारी आफूले टिमबाट पाएको उनले बताएका छन् । काजलले भने थाहै नदिइ निकालिएको गाई र भैैँसीसँग तुलना गरेको बताएकी थिइन् ।

“हाम्रो लागि कुनै क्षेत्रीय वा जातीय समुदाय छैन । एउटै समुदाय छ– मानव समुदाय,” उनले भनेका छन्, “सामाजिक संजालमा चिरञ्जीवी भवको सुटिङ सेटमा आएको एउटा गम्भिर विषयप्रति मेरो ध्यानाकर्षण भएको छ ।”

“तपाईंले मेरो निर्देशनमा रहेको सेटमा केही प्राविधिकहरुबाट अत्यन्तै तुच्छ ब्यबाहार भयो भन्ने आरोपमा कुनै सत्यता छैन,” उनले लेखेका छन्, “मलाइ उहाँले कुनै जानकारी गराउनु भएको छैन । यदि, कुनै सदस्यबाट उहाले आरोप लगाएजस्तो ब्यबहार गरेको पुष्टि भएमा गल्ती गर्ने जो कोहिलाई पनि एक सेकन्ड अबिलम्ब नगरी कारबाही गरिनेछ ।”

निर्देशक दीपक प्रसाद आचार्यले फेसबुकमा लेखेको स्टाटस जस्ताको तस्तै :

हाम्रो लागि कुनै क्षेत्रीय वा जातीय समुदाय छैन, एउटै समुदाय छ “मानव समुदाय”

सामाजिक सञ्जालमा चिरञ्जीवी भवको सुटिङ सेट मा आएको एउटा गम्भीर विषय प्रति मेरो ध्यानाकर्षण भएको छ, काजोल कर्ण जी को स्ट्याटस पढे पछि मैले आरोपित सम्पूर्ण प्राविधिक अनि टिम सँग छलफल गरेपश्चात् हामी केही कुरा क्लियर गर्दै छौ,

१- वहाँले मेरो निर्देशनमा रहेको सेट मा केही प्राविधिक हरू बाट अत्यन्तै तुच्छ ब्यबाहार भयो भन्ने आरोपमा कुनै सत्यता छैन, र मलाइ उहाँले कुनै जानकारी गराउनु भएको छैन!! यदि कुनै सदस्यबाट उहाँले आरोप लगाएजस्तो व्यवहार गरेको पुष्टि भएमा गल्ती गर्ने जो कोहीलाई पनि१ सेकेन्ड अविलम्ब नगरी कारबाही गरिनेछ!

२- कलिङ्ग टाइम ७:३० को राखिएको सुटिङ सेटमा ९:०० बजे सम्म कलाकारलाई कुरेर बसेका ७० जना सुटिङ युनिटलाई अन्तमा सहायक निर्देशक मार्फत म आउँदिन भन्ने सन्देश पठाउनु भएछ, मैले टिम क्याप्टेनको हिसाबले एउटा कलाकारले अनुशासन भंग गरी यति ठुलो युनिट होल्ड हुन नदिई सुटिङ सुचारु गरेको हु र कलाकार को पारिश्रमिक सम्बन्धमा निर्माण टिम सँग छलफल गर्दा तेस्रो किस्ता मात्र दिन बाँकी जुन डबिङ पश्चात् दिइने जानकारी पाएको छु!

३- सम्बन्धित कलाकार कुनै समुदाय विशेष को भएको कारण हामीले छनौट गरेका हैनौ, जुन कुरा पछि चलचित्र प्रदर्शन पश्चात् झन् सबैले बुझ्नु हुनेछ! उहाँ मधेसी मुलको हुनुहुँदो रहेछ भन्ने कुरा मैले त उहाँको स्ट्याटस पढेपछि मात्र थाहा भयो, हाम्रो लागि कुनै जातीय वा क्षेत्रीय कलाकार हुँदैन, हरेक चरित्र हाम्रो लागि समान हुन र हामी बराबर सम्मान गर्छौ!!

४-कलाकार भएपछि जस्तोसुकै भूमिका निर्वाह गर्न पर्छ, जसमा कहिले डोको बोक्न पर्ला, कहिले गाई को सेवा गर्न पर्ला, हरेक पेसा प्रति हाम्रो उच्च सम्मान छ, अझ चरित्रमा प्राण भर्न कलाकारले जीवन्त अभिनय गर्नु यौटा कलाकार को कर्तव्य हो!!

५-काजोल जिले अत्यन्तै सुन्दर भूमिका निर्वाह गर्नुभएको छ, उहाँले आरोप लगाउनु भए जस्तो गाइको गोबर सोहोर्ने काम मात्र दिइयो भन्ने कुरा सत्य हैन हामी सँग उहाँले गर्नुभएका हरेक भूमिकाका भिडियो फुटेज सुरक्षित छन्!

६-उहाँलाई कतिपय कुरा हरू मिस अन्डरस्टान्डिङ्ग भएको हुन सक्छ,यदि त्यस्तो भए हामी उहाँ सँग छलफल गर्ने वातावरण तयार गर्नेछौ!!

हाम्रो लागि संसारमा एउटै समुदाय हुन्छ मानव समुदाय, हरेक मानवलाई हामी समान ब्यबाहार गर्छौ, हामी अत्यन्तै मेहनत गरेर नेपाली चलचित्र उद्योगको लागि एउटा सुन्दर शृजना निर्माण मा व्यस्त छौ, आउनुहोस् हामी सबै मिलेर एउटा राम्रो सिनेमा निर्माण मा सहयोग गरौँ! काजल जी को कलाकारिताको लागि सफलताको शुभकामना!!