अब जनकपुरको राराब कलेजमै L.L.B. को पढाई सुरु, ३०० सिट छुट्याईयो, अति सस्तोमै पढाई

न्यूज ब्यूरो, जनकपुरधाम । जनकपुरधामस्थित रहेको राराब कलेजमै LLB को पढाई सुरु हुने भएको छ । राराब कलेज प्रशासनले LLB भर्ना समेत खुल्ला गरेको छ ।

यसअघि अन्य विश्वविद्यालयको अन्य कलेजहरुमा पढाई हुँदे आएको त्रिभुवन विश्वविद्यालयले जनकपुरको राराब कलेजमा को पढाई सुरु गर्न अनुमति दिएको हो । अनुमति पाए लगत्तै राराब कलेजले LLB भर्ना खुल्ला गरेको छ ।

राराब कलेजका क्याम्पस प्रमुख बसन्त लाल कर्णले शुक्रबारदेखि नै भर्ना खुल्ला गरेको बताएका छन् । त्रिभुवन विश्वविद्यालयको अनुमति अनुसार राराब कलेजमा ३०० सिटमा विद्यार्थी भर्ना हुने प्रमुख कर्णले जानकारी दिए । उनका अनुसार, ३०० सिटमा भर्ना हुने गरी भर्ना खुल्ला गरिएको छ । यसको लागि अनलाईन मार्फत नै फाराम भर्न सकिने उनले जानकारी दिए ।

तीनबर्षे कोर्सको लागि कुनै पनि बिषयमा स्नताक (ब्याचलर) गरेका व्यक्तिले फाराम भर्न पाउने प्रमुख कर्णले जानकारी दिए । उनका अनुसार, साईन्स, कमर्स, एजुकेशन, ईन्जनीयरीँग, मानविकी, आर्ट वा जुनसुकै विषय लिएर बैचलर गरेका विद्यार्थीले ब्याचलरको लागि भर्ना हुन सक्नेछ । उनका अनुसार, कुनै पनि विषयमा मास्टर्स समेत गरेकाले पढन पाउने खुलाए । उनले न्यूनत्तम ब्याचलर हुनुपर्ने प्रावधान रहेको बताए ।

राराब कलेजमा ३०० सिटमध्ये ६० सिट आरक्षण्मा राखिएको हो । जसमा मधेशी, दलित, मुस्लिम, महिला, आदिवासी जनजाती, पिछडावर्ग, अपाँगता, लैँगिक अल्पसँख्यक, थारु लगायत सरकारले प्रदान गर्ने आरक्षण (कोटा) छुटयाइएको हो । आरक्षणमा भर्ना हुन चाहने विद्यार्थीले सम्बन्धित कोटाको लागि प्रमाण, सिफारिस लिनुपर्ने जनाइएको छ ।

एल.एल.बी. को लागि जनकपुरभन्दा बाहिर पढन जानुपर्ने बाध्यता हटेको दाबी क्याम्स प्रमुख कर्णले गरे । अब जनकपुरमै पढाई हुने भएपछि विद्यार्थीहरु बाहिर जान नपर्ने बताए ।

फाराम भर्ने कार्य २०८२ चैत्त ३० गतेदेखि २०८३ जेठ ७ गतेसम्म हुने राराब आईटी शाखाका कर्मचारी दिपु रायले बताए । दोब्बर दस्तुरमा जेठ १४ गते रातीसम्म भर्न पाउने उल्लेख गरे । रायका अनुसार, विद्यार्थीले आवेदनको लागि रु. १,७०० रुपैयाँ तिर्नुपर्नेछ । अनलाईन माध्यम भएकोले ईसेवा, खल्ती र कनेक्ट आईपिएसको माध्यमबाट रकम तिर्न सकिने उल्लेख छ ।

जेठ २९ गते प्रवेश परीक्षा हुनेछ भने फाराम रुजु भएको नभएको भनेर अनलाईन स्टेटसमा गएर हेर्न सकिने बताईएको । फाराम भर्न कुनै समस्या भए वा अधिक जानकारीको लागि आईटी शाखा दिपु रायलाई 9804869056 नम्बरमा सम्पर्क गर्न अनुरोध गरिएको छ ।

अनलाइन फाराम भर्नका लागिः
https://entrance.fol.edu.np/