बालेन सरकारसँग जानकी नवमी र जनक जयन्तीमा सार्वजनिक बिदा माग

नयाँ दिल्ली | भारतमा गाईलाई ‘राष्ट्रमाता’ घोषणा गर्नुपर्ने माग पुनः चर्किएको छ । विभिन्न धार्मिक अगुवा, साधु–सन्त तथा गोरक्षा अभियानसँग आबद्ध समूहहरूले देशव्यापी रूपमा दबाबमूलक कार्यक्रम सुरु गरेका छन् ।

हालै आयोजित विभिन्न धार्मिक भेलाहरूमा सहभागी साधु–सन्तहरूले गाईलाई राष्ट्रमाताको संवैधानिक मान्यता दिन सरकारसँग माग गरेका हुन् । उनीहरूले गाई हिन्दू धर्म, संस्कृति तथा ग्रामीण अर्थतन्त्रको आधार भएकाले यसको संरक्षणलाई राष्ट्रिय गौरवसँग जोड्नुपर्ने बताएका छन् ।

अभियानकर्ताहरूले देशभर चरणबद्ध आन्दोलन गर्ने घोषणा गरेका छन् । यसअन्तर्गत विभिन्न जिल्लामा ज्ञापनपत्र बुझाउने, र्‍याली आयोजना गर्ने तथा केन्द्र सरकारलाई निर्णयका लागि दबाब दिने कार्यक्रम सार्वजनिक गरिएको छ ।

उनीहरूको मुख्य मागमा गाईलाई ‘राष्ट्रमाता’ घोषणा गर्नु, देशभर एकरूप गोरक्षा कानुन लागू गर्नु तथा गाई वध पूर्ण रूपमा प्रतिबन्ध लगाउनु रहेका छन् ।

यस विषयले राजनीतिक वृत्तमा समेत चर्चा पाएको छ । केही धार्मिक नेताहरूले प्रदेश तहमा ‘राज्यमाता’ घोषणा गर्नसमेत आग्रह गरेका छन् । तर, सरकार पक्ष भने यस विषयमा सतर्क देखिएको छ ।

भारत सरकारले यसअघि संसदमार्फत गाईलाई राष्ट्रिय जनावर वा राष्ट्रमाता घोषणा गर्ने कुनै योजना नरहेको जनाएको थियो । केही सरकारी प्रतिनिधिहरूले गाईलाई समाजमा पहिलेदेखि नै ‘माता’का रूपमा सम्मान गरिएको भन्दै कानुनी घोषणा आवश्यक नभएको धारणा राखेका छन् ।

भारतमा गाईलाई धार्मिक रूपमा पवित्र मानिन्छ । धेरै राज्यहरूमा गाई वधमाथि कानुनी प्रतिबन्धसमेत छ । तर, यस विषयले सामाजिक तथा राजनीतिक बहससमेत निम्त्याउँदै आएको छ ।

पछिल्लो अभियानसँगै गाईलाई राष्ट्रमाता घोषणा गर्ने माग पुनः राष्ट्रिय बहसको केन्द्रमा आएको छ ।