राकेश सिंहको अध्यक्षतामा धनौजीमा ऐतिहासिक युवा अन्तरक्रिया

न्यूज ब्यूरो, जनकपुरधाम । धनुषाको धनौजी गाउँपालिका वडा नं। ०२ सलहेस मन्दिरमा नेपाल तरुण दल तथा नेपाल विद्यार्थी संघको आयोजनामा गाउँपालिका स्तरीय युवा परिचालन अन्तरक्रिया कार्यक्रम युवा नेता राकेश कुमार सिंहको अध्यक्षतामा भव्य रूपमा सम्पन्न भएका छन्।

कार्यक्रमका प्रमुख अतिथि प्रतिनिधि सभा सदस्यका उम्मेदवार विमलेन्द्र निधिले युवाहरूलाई सक्रिय र जिम्मेवार भूमिकामा उत्रन आह्वान गर्दै मधेशको विकास, राजनीतिक स्थायित्व र उपलब्धिको राजनीतिमा युवाको निर्णायक भूमिका रहने बताएका छन्।

कार्यक्रमबाट “अब अभियान घर–घर पुग्नेछ, नारा होइन काम बोल्नेछ” भन्ने सन्देश प्रवाह गरिएको छ। यस पटक जनताको मत विकास, स्थायित्व र सही नेतृत्वको पक्षमा जाने विश्वास व्यक्त गरेका छन्।

यस कार्यक्रममा करिब २०० देखि ४०० भन्दा बढी युवाको सहभागिताले धनुषा–३ मा संगठन विस्तार र जनसम्पर्क अभियान प्रभावकारी बन्दै गएको संकेत दिएको छ।

कार्यक्रममा सहभागी युवाहरूले रोजगारी, शिक्षा, स्वास्थ्य र स्थानीय पूर्वाधार विकासलाई प्राथमिकतामा राखेर अघि बढ्नुपर्ने सुझावसमेत दिएका छन्।