धनुषा ३ जसपा नेपालका उम्मेदवार परमेश्वर साह (छाता छाप) को घरदैलो अभियान तीव्र

न्यूज ब्यूरो, जनकपुरधाम । धनुषा निर्वाचन क्षेत्र नं. ३ का जसपा नेपालका उम्मेदवार परमेश्वर साहले घरदैलो अभियानलाई तिब्र बनाएका छन् ।

धनुषामा सबभन्दा अधिक मतदाता रहेको धनुषा ३ मा निर्वाचन आयोगले सोमबारदेखि अनुमति दिएको घरदैलो अभियानपछि घरदैलो तीव्र पारेका हुन् । सो क्रममा मँगलबार उनले दक्षिणी धनुषाको मुखियापट्टि मुसरनीया गाउँपालिकामा घरदैलो गरेका छन् ।

जसपा नेपालका प्रदेश ३ (क) का प्रत्यासी एवम् युवा नेता जीतेन्द्र यादवको सहजीकरण तथा समन्वयमा मुखियापट्टिको विभिन्न वडामा घरदैलो गरेका हुन् । निर्वाचन आयोगले मात्र १८ गतेसम्म घरदैलो, प्रचार प्रसार गर्न पाउने निर्देशन जारी गरेपछि घरदैलो अभियानलाई तीव्र पारेका हुन् ।