रामपाल महाराजको सँस्था सतलोक आश्रम नक्टाझिझका अनुवायी र स्थानीयबीच तनाव, एक घाईते, सडक अवरुद्ध !

न्यूज ब्यूरो, जनकपुरधाम । धनुषामा संत रामपाल महाराजको सँस्था भनिएको सतलोक आश्रमले ऐलानी जग्गा हडपेर सँस्था चलाएको भन्दै स्थानीयहरु विरोधमा उत्रेका छन् । 

धनुषाको मिथिला नगरपालिका वडा नं. २ नक्टाझिज सुग्जोरमा रहेका सतलोक आश्रमले अनिधिकृत रुपमा ऐलानी जग्गा हड्पेको विषयमा स्थानीयसँग विवाद चुलिएको छ । 

जग्गा खाली गराउन गएका स्थानीय र आश्रमका व्यक्ति बीच विवाद हुँदा स्थानीयहरुले अहिले जनकपुर-ढल्केवर सडक खण्डको राघोपुरमा पुल नजिक सडक अवरुद्व गर्दै नारावाजी गरिरहेको छ । विवादमा एकजना घाइते भएको ईलाका प्रहरी कार्यालय महेन्द्रनगरले जनाएको छ । 

बर्षौदेखि सतलोक आश्रम नामक सँस्था सँचालनमा रहेको छ । समयम समयमा भण्डारा गर्ने, विभिन्न धार्मिक कार्यक्रमहरु सँस्थ मार्फत गर्दै आएको छ । संतरामपाल महाराज भारतीय धर्मगुरु हुन्, उनी अहिले जेलमा रहेका छन् । उनका अनुवायी र स्थानीयबीच धार्मिक तनाव उत्पन्न भएको हो ।