पुस १० गते जनकपुर उपमहानगरभित्रका स्कूलहरुमा भव्य तुलसी पूजन गरिनेः अध्यक्ष ठाकुर

न्यूज ब्यूरो, जनकपुरधाम । जनकपुरधाम उपमहानगरपालिकाभित्र रहेका सम्पूर्ण संस्थागत विद्यालय, अभिभावक तथा नगरवासीलाई लक्षित गर्दै पुस १० गते भव्य रूपमा तुलसी पूजन कार्यक्रम आयोजना गरिने भएको छ।

एनप्याब्सन जनकपुरधाम उपमहानगरपालिकाको आयोजनामा हुन लागेको उक्त धार्मिक तथा सांस्कृतिक कार्यक्रममा नगर क्षेत्रका विद्यालय, शिक्षक, विद्यार्थी, अभिभावक तथा सर्वसाधारणको सहभागिताका लागि आयोजकले आग्रह गरेका छन्।

एनप्याब्सन जनकपुरधाम उपमहानगरपालिकाका अध्यक्ष दीपक ठाकुरले धार्मिक, सांस्कृतिक तथा नैतिक मूल्य–मान्यताको संरक्षण र प्रवर्द्धनमा तुलसी पूजन कार्यक्रमको विशेष महत्व रहेको उल्लेख गर्दै सबै सरोकारवालालाई कार्यक्रममा सक्रिय सहभागिताका लागि अपिल गरेका छन्।

आयोजकका अनुसार उक्त कार्यक्रमले धार्मिक चेतनाको अभिवृद्धि गर्नुका साथै सामाजिक एकता र सद्भावलाई थप मजबुत बनाउने विश्वास लिइएको छ।