धनुषाः सरकारी स्कूलका शिक्षक गोईत विदेश पठाउने एजेन्ट, सवा दुई लाख ठगी गरेको आरोप

न्यूज ब्यूरो, जनकपुरधाम । धनुषाका एक शिक्षक एजेन्ट बनेर सवा दुई लाख रुपैयाँ ठगी गरेको आरोप लगाईएको छ ।

धनुषा कमला नगरपालिका वडा नं. ५ लक्कडस्थित सरकारी स्कूलमा शिक्षक रहेका धनुषा शहिदनगर नगरपालिका वडा नं. ८ नाथपट्टिका शिक्षक सुरेश गोईतले एक युवकसँग २ लाख २५ हजार रुपैयाँ ठगी गरेको आरोप लगाएका छन् ।

शिक्षक गोईतले विदेश पठाउने नाममा ठगी गरेको आरोप लगाएका छन् । धनुषा कमला नगरपालिका वडा नं. ८ सोनापाडा बस्ने २४ बर्षिय शम्भु यादवसँग दुई लाख पच्चिस हजार रुपैयाँ लिएर विदेश पठाएकोमा सम्झौता बमोजिम केही नभएपछि आफू ठगिएको बताएका छन् । उनले सम्झौतामा लोडिँग, अनलोडिँगको काममा तथाकथित रुपमा सम्झौता गरेको दाबी गरेका छन् । यादवका अनुसार, एजेन्ट गोईतले आफूलाई “एसी मैकेनिक” कामको लागि दुई लाख पच्चिस हजार रुपैयाँ लिएको बताएका छन् ।

न्यूज ब्यूरोको सम्पर्कमा आएका यादवले लक्कड स्कूलमा शिक्षक समेत रहेका एजेन्ट गोईतले विदेश जाने बेलामा काठमान्डौँस्थित रहेको नेपाल एचआर सोलुशन प्रा.लि. बाट सम्झौता बमोजिम लोडिँग अनलोडिँमा हस्ताक्षर गर्न लगाएको तथा मौखिक रुपमा एस्सी मैकेनिकको रुपमा गएको बताएका छन् ।

खाडी मुलुक साउदीमा वैदेशिक रोजागरीमा परिवार पाल्न गएका यादवले दुई लाख पच्चिस हजार बुझाएर स्कार्प होल्डिगको काममा लगाएको आरोप छ । उनले १ हजार प्लस ३०० सेलरी तोकिएकोमा ९०० प्लस ३०० सेलरी मात्र रहेको बताएका छन् । उनले सेलरी भन्दा पनि एस्सी मेकेनिकको काममा आएकोमा सोही काममा नगलगाइदिएपछि आफूलाई गाह्रो भएको सुनाएका छन् ।

उनले एजेन्ट गोईतले आफूसँग कुरै गर्न नचाहेपछि आफू ठगिएको बताए । यस सन्दर्भमा एजेन्ट गोईतसँगको मोबाईलममा सम्पर्क गर्न खोजेपछि साँझ उनको फोन स्वीच अफ गरिएको पाईएको छ ।