विपी विचारधारामा नेविसँघ धनुषाको अन्तरक्रिया सम्पन्न

न्यूज ब्यूरो |
जनकपुरधाम, ८ साउन । नेपाली राजनीतिका महामानव भनेर चिनिने विशेश्वर प्रसाद कोईरालाको विचारधारामा नेविसंघ धनुषाले अन्तरक्रिया कार्यक्रम गरेको छ ।

विपी कोईरालाको ३६ औँ स्मृति दिवसको अवसर पारेर पूर्व घोषित कार्यक्रम अनुसार जनकपुरमा विपी विचारधारामा केन्द्रीत रहेर अन्तरक्रिया कार्यक्रम गरेको हो ।

नेविसंघ धनुषाका अध्यक्ष सँजय यादवको अध्यक्षता तथा प्रदेश नं. २ का प्रदेशसभा सदस्य नरेश यादवको प्रमुख आतिथ्यमा सम्पन्न विपी विचार अन्तरक्रिया कार्यक्रममा नेता विपी कोईरालाले देखाएको बाटोमा हिडनुपर्ने धारणा राखिएको थियो ।

राजनीतिको दिग्गज मानिएका विपीको विचारलाई ग्रहण गरी आत्मसात गर्नुपर्ने बताइएको थियो ।

सो कार्यक्रममा नेविसंघका पूर्व सहमहामन्त्री नवल किशोर यादव लगायत विद्यार्थी नेताहरुको उपस्थिति रहेको थियो ।