जनकपुरमा बाढीले बगाएर एक जनाको मृत्यू, नदीमा लास फेला

न्यूज ब्यूरो, जनकपुरधाम । अबिरल बर्षाको कारण आएको बाढीले बगाएर जनकपुरमा एक जनाको मृत्यू भएको छ ।

धनुषाको औरही गाउँपालिका वडा नं. १ पुरनदहियास्थित खोलामा एक जनाको शव फेला परेको हो । खोलाले बगाएर ल्याएको शव देखेपछि स्थानीयले प्रहरीलाई खवर गरेको थियो ।

स्थानीयहरुले खेततर्फ गएको बेला नदीमा बगाएर ल्याएको मानिस मृत अवस्थामा देखेपछि प्रहरीलाई खवर गरेको थियो ।

अहिले जिल्ला प्रहरी कार्यालय धनुषाका प्रहरी नीरिक्षक सागर कार्कीको नेतृत्वको टोली घटनास्थल पुगेको हो । विपद् व्यवस्थापन समितिको टोली समेत घटनास्थल पुग्न लागेको हो ।

मृतकको सनाखत भने हुन सकेको छैनन् ।