आन्दोलनका मृतकहरुप्रति मर्यादित महिनावारी अभियानको श्रद्धाञ्जली र दीप प्रज्जवलन

न्यूज ब्यूरो, जनकपुरधाम । जेनजी आन्दोलनको क्रममा मृत्यू भएका आन्दोलनकारीहरुप्रति मर्यादित महिनावारी अभियान नामक सँस्थाले श्रद्धाञ्जली कार्यक्रम गरेको छ ।

सोमबार जनकपुरमा दीप प्रज्जवलन गर्दै अभियानका अभियानीहरुले आन्दोलनको क्रममा मृत्यू भएका मृतकप्रति श्रद्धाञ्जली दिएका छन् ।

देशमा परिवर्तन ल्याउन जेनजी आन्दोलनको भूमिका तथा शहादत दिएका वीर आत्माहरु भन्दै अभियानका सदस्यहरुले दीप प्रज्जवलन कार्यक्रमको आयोजना गरी श्रद्धाञ्जली दिएका छन् ।

अभियानका केन्द्रीय सदस्य स्नेहा झाको अगुवाईमा भएको श्रद्धाञ्जली तथा दीप प्रज्जवलन कार्यक्रममा अभियानको मधेश प्रदेशका सदस्यहरु प्रशान्त झा, निखिल तिवारी, सतिश पण्डित लगायत स्थानीयहरुहरुले समेत दीप प्रज्जवलन गरेका थिए ।