'२०८४ को चुनावमा कमला नगरपालिकाबाट मेयरको लागि लडछु'

न्यूज ब्यूरो, जनकपुरधाम । धनुषाको कमला नगरपालिकाबाट विद्यार्थी नेतृत्व एवम् नेपाली काँग्रेस निकट नेविसंघका नेता भरत ठाकुर (मनोहर) ले आगामी चुनावमा चुनाव लडने बताएका छन् ।

वि.सं. २०८४ मा हुने स्थानीय तहको चुनावमा कमला नगरपालिकाबाट मेयर पदमा चुनाव लडने तयारी गरिरहेको उनले बताएका छन् ।

कमला नगरपालिका वडा नं. ३ लगमा निवासी ठाकुरले यसअघि देखि नै नेपाली काँग्रेस निकट विद्यार्थी नेतृत्वमा लागिरहेका छन् । कमला नगरपालिकाका पूर्व मेयर राम उदगार गोईतका त्यतिबेला निकट मानिएका ठाकुरले नगरपालिकामा युवा नेतृत्वको आवश्यकता रहेको भन्दै आफू समेत मेयर पदमा लडने बताए ।

उनले तत्काल नेपाली काँग्रेसमा लागेको बताउँदै पार्टीले टिकटदिने र मेयर पदमा उम्मेदवारी दिने बताए ।

कमला नगरपालिकाको मेयर पदको लागि नेपाली काँग्रेसका नेताहरुको कसरत अहिलेदेखि नै सुरु भएको छ । पार्टीबाट टिकट पाउन हुलका नभएपनि प्रयास भने जारी राखिएको छ ।