डाक्टर नै नरहेका जनकपुरको गोदाबरी हस्पिटलमा उपचार गराउँदा युवकको मृत्यू, कमिशनको लोभमा रिफर

न्यूज ब्यूरो, २९ साउन । जनकपुरधामस्थित रहेको गोदावरी हस्पिटलमा एक युवकको ज्यान गएको छ । चिकित्सकको लापरवाहीको कारण उनको ज्यान गएको परिवारजनको आरोप छ ।

मँगलबार पसल जाँदै गर्दा जनकपुरधामको भ्रमरपुराचोकस्थित मोटरसाईकल दुर्घटनामा परी घाईते भएका जनकपुरका १८ बर्षिय असलम साफीको गोदाबरी अस्पतालमै मृत्यू भएपछि परिवारजनले केही बेर हँगामा गरे ।

मोटरसाईकलमा साथीसँग काममा जाँदै गर्दा बीचमा साँढे आएपछि मोटरसाईकल अनियन्त्रित भएको थियो । मोटरसाईक अनियन्त्रित भएर दुर्घटना भएपछि असलम घाईते भएका थिए । तत्कालै उनलाई उपचारको लागि जनकपुर प्रादेशिक अस्पतालमा भर्ना गरिएको थियो । तर, एक सरकारी चिकित्सकले कमिशनको लोभमा घाईतेलाई गोदाबरी हस्पिटल लग्न सुझाव दिएपछि उनको मृत्यू भएको बताईन्छ ।

जनकपुरको गोदाबरी हस्पिटलमा न्यूरो सर्जन डाक्टर नै नभएको अवस्थामा न्यूरो सम्बन्धी विरामीलाई असम्बन्धित अस्पतालमा लगेपछि ज्यान गएको चिकित्सकहरु बताउँछन् । उनलाई टाउकोमा चोट लागेको कारण उनलाई न्यूरो सम्बन्धी हस्पिटलमा लग्नुपर्नेमा न्यूरो डाक्टर नरहेको गोदावरी हस्पिटलमा लगेपछि उपचार नहुँदा उनको ज्यान गएको परिवारजनको आरोप छ ।

दुर्घटनाका विरामीहरुलाई न्यूरो सर्जनबाट उपचार गराउनुपर्नेमा असम्बन्धित हस्पिटल लगेको खुलेको छ । गोदाबरी हस्पिटलमा न्यूरो सम्बन्धी चिकित्सक छैनन् ।

जनकपुरको न्यूरो हस्पिटलमा दुई जना न्यूरो सर्जन डाक्टर रहेका छन् । प्रादेशिक अस्पततालमा समेत न्यूरो सर्जन डाक्टर रहेका छन् । यद्यपी, सेटिँगको आधारमा प्रादेशिकमा उपचार नगरी अन्य पठाउने गरेका छन् ।

युवकको मृत्यू भएपछि गोदाबरी हस्पिटलका चिकित्सक मोबाईल स्वीच अफ गरी फरार भएको परिवारज बताउँछन् ।