जनकपुरमा मोनाष्टिकको लागि प्रवेश परीक्षा सम्पन्न, २ सय विद्यार्थीको सहभागी

न्यूज ब्यूरो |
जनकपुरधाम, ३१ असार । प्रदेश २ मै शिक्षा क्षेत्रमा चीरपरिचित विद्यालयको रुपमा स्थापित मोनाष्टिक आवासीय विद्यालयले सँचालन गरेको उच्च माविको लागि प्रवेश परीक्षा लिइएको छ ।

गत असार १३ गते प्रवेश परीक्षाको लागि फाराम वितरण गरेको मोनाष्टिक क्याम्पसले असार ३१ अर्थात् आईतवार कक्षा ११ मा नामाँकनको लागि प्रवेश परीक्षा लिइएको हो ।

आईतबार विहान ८ बजेदेखि भएको परीक्षामा २ सय बढी विद्यार्थी प्रवेश परीक्षामा सहभागी भएको मोनाष्टिकका फाउण्डर डा. सोनु साहले न्यूज ब्यूरोसँग भने ।

आज लिइएको प्रवेश परीक्षाको नतिजा भने असार ३२ गते सोमबार दिउँसो २ बजे प्रकाशन गर्ने जनाइएको छ ।

नतिजा प्रकाशन लगत्तै कक्षा ११ को भर्नाको लागि प्रक्रिया सुरु हुने जनाइएको छ । कक्षा सँचालन भने साउन १० गतेदेखि हुने डा. साहले जनाए ।

जनकपुर क्षेत्रमै मोडर्न साईन्स ल्याब, फेकेल्टी अडोटोरियम, ईन्टरनेश्नल ईभेन्टको सुविधा भएकोले अन्य भन्दा नयाँ आयाम ल्याएको थपे ।