कमला नगरपालिका वडा नं. ८ मा बालविवाह विरुद्ध सडक नाटक प्रदर्शन

न्यूज ब्यूरो, जनकपुरधाम । धनुषाको कमला नगरपालिका वडा नं. ८ मा बाल विवाहविरुद्ध सडक नाटक प्रदर्शन गरिएको छ ।

कमला नगरपालिका वडा नं. ८ को आयोजनामा जनचेतनामूलक सडक नाटक अन्तरर्गत बालविवाह विरुद्धको सडक नाटक प्रदर्शन गरिएको हो ।

जेठ ०३ गतेदेखि जेठ ०६ गतेसम्म वडाको विभिन्न वस्तीमा सडक नाटक प्रदर्शन गरिएको जनाइएको छ । समाजमा बालविवाह विकराल रुप लिँदै गएपछि वडाध्यक्ष तृपित भुडेरले जनचेतना फैलाउन सडक नाटक प्रदर्शन गराएको बताए ।

जनकपुरको दिग्गज कलाकारहरुको टीमद्धारा चार दिनसम्म सडक नाटक प्रदर्शन भएको जनाए । वडा नं. ८ को टेढामोड, हरिने, सोनापाडा उत्तरवारी टोल र सोनापाडा दक्षिणवारी टोलमा नाटक प्रदर्शन गरिएको थियो ।

सडक नाटकबाट प्रत्यक्ष रुपमा प्रभाव पार्ने भएकोले सडक नाटक आयोजन गरिएको बताए । सडक नाटकमा सयौँ स्थानीयहरुको उपस्थिति रहेको थियो । विशेषतः महिलाहरुको सहभागीतालाई कलाकारलाई मनोबल बढाएको थियो ।