सिरहाको विष्णुपुर गापामा भ्रष्टाचारी आशंका, स्थानीयले गरे विवरण माग

न्यूज ब्यूरो |

सिरहा, १६ असार । सिरहाको विष्णुपुर गाउँपालिकामा व्यापक भ्रष्टाचारी भएको आशंकामा स्थानीय राजनीतिक दलका प्रतिनिधिहरुले खरिदविक्री र विकासको विवरण माग गरेका छन् ।

राजनीतिक दलका प्रतिनिधिहरुले सूचनाको हक अनुरुप विष्णुपुर गाउँपालिकाले गरेको काम तथा खरिदविक्रीवारे निवेदन दर्ता गराउँदा गाउँपालिका पक्षले वल प्रयोग गरेको स्थानीय रामकुमार यादवले बताए ।

राजनीतिक दलका नेताहरुसंगै स्थानीयवासीहरु त्यस कार्यालयमा सूचना माग गर्न जांदा गाउंपालिकापक्षले प्रहरी बोलाएर हात हलाहालको स्थितिमा पुगेको थियो । स्थानीयवासी र कर्मचारीबीच भएको झड्पमा दुवैपक्षलाई चोटपटक समेत लागेको थियो ।

नेपाली कांग्रेस र नेकपा माओवादीको नेतृत्वमा करिब दूई दर्जनबढी स्थानीयवासी विष्णुपुर गाउँपालिकका कार्यालय पुगेका थिए ।

राजनीतिक दलका प्रतिनिधि र स्थानीयवासीले प्रशासकीय अधिकृत रामप्रमोद यादवसंग निकासा भएको बजेट तथा विभिन्न खर्च, कर्मचारी भर्ना, गाडी खरिद,जिसिबी खरिद, पोखरी ठिक्का सम्बन्धि कागजातको प्रतिलिपि माग गरेका छन् । उनीहरु सूचनाको हक अनुरुप नक्कल पाउनको लागि निवेदन दर्ता गराएको छ ।