सिरहामा कुखुरा बोकेको गाडी दुर्घटना हुँदा एकजनाको मृत्यू

न्यूज ब्यूरो |

सिरहा, ४ असार । सिरहामा कुखुरा बोकेको पिकअप गाडी दुर्घटना हुँदा एकजनाको ज्यान गएको छ । सिरहाको कर्जन्हा नगरपालिका–४, भुल्के चोकमा गएराति भएको दुर्घटनामा परी पिकअपमा सवार मुगु जिल्लाको छायाँरारा नगरपालिका–५ बस्ने २३ वर्षीय विशाल कामीको ज्यान गएको हो ।

बा १५ च ६०४५ नम्बरको कुखुरा बोकेको पिकअप भ्यान अनियन्त्रित भएर दुर्घटना भएको प्रहरीेले जनाएको छ । घटना लगतै पिकअप चालक फरार भएको छ । दुर्घटनाबारे अनुसन्धान भइरहेको र फरार चालकको खोजी जारी रहेको ईलाका प्रहरी कार्यालय बन्दीपुरले जनाएको छ ।