धनुषाको कमला नगरपालिकामा जसपा नेपाल लगभग सखाप, बाँकीहरु दल बदल्ने तयारीमा

न्यूज ब्यूरो, जनकपुरधाम । पूर्वी धनुषाको कमला नगरपालिकामा जनता समाजवादी पार्टी (जसपा) नेपालका नेता कार्यकर्ताहरु धमाधम पार्टी छाडेर अर्को पार्टीमा जान थालेपछि लगभग सखाप हुँदै गएको छ ।

जसपाको गढ मानिएको कमला नगरपालिका वडा नं. १,२ र ३ का नेता कार्यकर्ताहरु नेता रामचन्द्र झाको नेकपा एकिकृत समाजवादी पार्टीमा समाहित भएपछि जसपा लगभग सखाप हुँदै गएको छ ।

जसपामा बचेका केही नेता कार्यकर्ताहरु समेत आउँदो असोज १५ गतेको पार्टी प्रवेश कार्यक्रममा समाहित हुने तरखरमा रहेको छ । उनीहरु नेकपा एसमा प्रवेश गरेपछि कमला नपा वडा नं. १, २ र ३ मा नेकपा एसको बलियो पक्कड हुनेछ ।