जनकपुरको होटल राज घरानामा कर्मचारी मृत अवस्थामा फेला, टाउकोमा चोट

न्यूज ब्यूरो, जनकपुरधाम । जनकपुरधामस्थित रहेको होटेल राज घरानामा एक कर्मचारी शौँचालयमा मृत अवस्थामा फेला परेका छन् ।

जनकपुरधाम उपमहानगरपालिका वडा नम्बर २ जनकचोकस्थित रहेको होटेल राज घरानामा गत शुक्रबार विहान करिब ९ बजेको समयमा शौँचालयमा मृत अवस्थामा फेला परेको हो ।

होटेलका अन्य कर्मचारीले महोत्तरी जिल्लाको गौशाला नगरपालिका वडा १ बस्ने बर्ष ३५ को राजकुमार श्रेष्ठ मृत अवस्थामा फेला परेको हो ।

जिल्ला प्रहरी कार्यालय धनुषाका प्रहरी प्रवक्ता रञ्जन अवाका अनुसार मृत अवस्थामा फेला परेका श्रेष्ठको टाउकोमा चोट देखिएकोले शंकास्पद रहेको बताए ।

यसबारे अनुसन्धान सुरु गरिएको उनले बताए ।