बँदेल (जँगली सुगर) मारेको आरोपमा प्रहरीका पूर्व डिआईजी शाह पक्राउ

न्यूज ब्यूरो, जनकपुरधाम । पूर्व डीआईजी ज्ञानविक्रम शाहसहितका व्यक्तिमाथि छानबिन सुरु भएको छ ।

मधेश प्रदेश सप्तरीको हनुमाननगर कंकालिनी नगरपालिका वडा नम्बर १ भारदहमा जंगली बँदेल मारेको आरोपमा छानबिन अघि बढाइएको छ।

घटनास्थल भारदह योगिनायाँ कोशी पलार क्षेत्रमा रहेको छ, जहाँ बँदेल मारिएको थियो। प्रहरी स्रोतका अनुसार, शाहसहित करिब एक दर्जन व्यक्तिहरू छानबिनको दायरामा छन्।

उनीहरूको दाबी अनुसार, बँदेलले खेतबारीमा बाली खान थालेपछि त्यसलाई मारिएको हो। तर, कानुनी प्रावधान अनुसार, नेपाल सरकारले मिति ७ मंसिर २०८० मा बँदेललाई हानिकारक वन्यजन्तु भनेर घोषणा गरेको थियो। यस घोषणाले बँदेलले बाली खान थालेमा खेतबारीमै मार्न सकिने अधिकार दिएको छ।

तर, मरेको बँदेललाई कानुनी प्रक्रियाअनुसार जनप्रतिनिधिको उपस्थितिमा गाड्न वा मूल्य तोकी मासु बिक्रि वितरण गर्नुपर्ने व्यवस्था छ। यो घटना मा उक्त प्रक्रिया पालना भयो वा भएन भन्ने कुरा छानबिनको विषय बनेको छ।

प्रहरीले हाल यस घटनाको अनुसन्धान गरिरहेको छ र छानबिनले कानुन अनुसारको कार्यवाहीमा कुनै त्रुटि भएको भए वा भएन भन्ने निष्कर्ष निकाल्नेछ।