जनकपुर लगायत आसपासका क्षेत्रमा "धुलो र हिलो" बर्षा

न्यूज ब्यूरो |
जनकपुरधाम, २ असार । विगत दुई दिनदेखि निन्तर राती पर्दा धुलो सहित हिलोको वर्षा भएको देखिएको छ ।

जनकपुर लगायत आसपास सहित तराई मधेसको विभिन्न जिल्लामा गएराती हिलोको बर्षा भएको हो ।

गएराती करिब २ बजेदेखि हल्का रुपमा हिलोको बर्षा भएको हो । घर बाहिर राखिएको समाग्री मोटरसाईकल, साईकल, जीप, कार, बस सहित अन्य चिजवस्तुहरुमा समेत हिलोको बर्षा भएको देखिएको छ ।

यसका साथै बोट विरुवको पातमा समेत गाढा रुपले हिलो भएको देखिएको छ । वायुमण्डलम अति प्रदुषणका कारणले हिलोको वर्षा भएको बताइएको छ ।

जेठ २५ गते नेपालमा मनसुन भित्रिए पनि मुलुकको पश्चिमी र मध्य भुभागमा अझै मनसुन सक्रिय भएको छैन। सो क्षेत्रमा अहिले भइरहेको वर्षा पश्चिमी वायुको प्रभावले हो।

शुक्रबार नेपालको पश्चिमी क्षेत्रको केही भुभागमा वर्षासँगै धुलो मिश्रित लेदो किन खस्यो भनेर सोध्दा मौसमपूर्वानुमान महाशाखाकी मौसमविद् गंगा नगरकोटी भन्छिन्, ‘डस्ट स्ट्रोम’ अर्थात् धुलोसहितको हावाहुरीको प्रभाव हुन सक्छ।’

केही दिन यता भारतको राजधानी नयाँदिल्लीसहित राजस्थान, पश्चिम बंगाल, पञ्जाव, उत्तरप्रदेश क्षेत्रमा हुरीसहितको बतास चलिरहेको छ। धुलोसहितको बतासले त्यहाँको जनजीवन प्रभावित छ।

मौसमविद् नगरकोटी भनिछन्, ‘नेपालको पश्चिमी क्षेत्रमा अहिले मनसुनको नभइ पश्चिमी वायुको प्रभावले वर्षा भइरहेको छ। यो समयमा नेपालको सीमा क्षेत्रका भारतीय सहरमा ‘डस्ट स्ट्रोम’ भइरहेकाले पानीमा धुलाको कण देखिएको हुन सक्छ।’

उनका अनुसार अहिले नेपालको पूर्वी भेगमा मनसुन सक्रिय भएर वर्षा भइरहेपनि मध्य र पश्चिमी भेगमा सक्रिय हुन करीब ३ दिन लाग्नेछ।

गएराती धनुषा लगायत अन्य जिल्लाहरुमा समेत हिलोको बर्षा डस्ट स्ट्रोम भएको बताईएको छ ।