विद्युत प्राधिकरण धनुषाधाम वितरण केन्द्रका प्रमुख सिँहलाई उर्जामन्त्रीको सम्मान

न्यूज ब्यूरो, जनकपुरधाम । विद्युत चुहावट नियन्त्रणमा फड्को हानेको भन्दै धनुषाधाम वितरण केन्द्रका प्रमुखलाई काठमान्डौँमा सम्मान गरिएको छ ।

लक्ष्यभन्दा अधिक विद्युत चुहावट नियन्त्रण गरेको भन्दै नेपाल विद्युत प्राधिकरण धनुषाधाम वितरण केन्द्रका प्रमुख रोश कुमार सिँहलाई ऊर्जा, जलस्रोत तथा सिंचाइ मन्त्री दिपक खड्काले सम्मान गरेको हो । सिँह मधेश प्रदेशबाट सम्मानित हुने प्रथम कर्मचारी हुन् । सोही क्रममा मधेश प्रदेशबाटै दोस्रो नम्बरमा चन्द्रनिगाहपुर रौतहटका वितरण प्रमुखलाई सम्मान गरिएको हो ।

प्राधिकरणले विद्युत चुहाबटको लक्ष्य २१.७५ राखेकोमा धनुषाधाम वितरण केन्द्रका प्रमुख सिँहले मात्र १९.५२ कायम गर्न सफल भएका सिँहलाई उर्जामन्त्रीले सम्मान गरेको हो ।

प्रमुख सिँहले नयाँ मिटर, मिटर परिवर्तनबाट समेत ५२ लाख रुपैयाँ राजस्व आम्दानी गरेको, चुहावट नियन्त्रण तर्फ ८८ लाख बढी राजस्व आम्दानी गरेको भन्दै उनलाई सम्मान गरिएको हो ।