कमलामा नयाँ पुल बनाउन वृहत सँघर्षको तयारी, भोलीदेखि चरणवद्ध आन्दोलन

न्यूज ब्यूरो, जनकपुरधाम । बहुप्रतिक्षित हुलाकी सडक अन्तर्गतको कमला नदीमा नयाँ पुल बनाउनको लागि नयाँ सँघर्ष सुरु हुने भएको छ ।

धनुषा र सिरहा जोडने कमला नदीमा तीन बर्ष अगाडी नै पुल भाँसिएपछि त्यहाँ नयाँ पुल बनाउनको लागि दबाब स्वरुप वृहत आन्दोलनको कार्यक्रम गरिने भएको छ ।

वर्तमान भाँसिएको पुलको संरचना र आधार नै कमजोर रहेकोले रिपेयर गर्नुको कुनै तुक नरहेको भन्दै ईन्जिनीयर प्रविण यादवले त्यहाँ नयाँ डिजाइनको पुल निर्माणको माग गरे । धनुषा र सिरहाको विभिन्न स्थानमा जागरुकता फैलाएका ईन्जिनीयर यादवले भोली आईतबार जनकपुरमा वृहत रैली गर्ने भएको छ ।

सिरहाबाट निस्किने मोटरसाईकल रैली, जुलुस कमला पुलबाट सुरु भई साघारा, लगमा, माचि, सराबे, एकराही, तिनकोरिया, औरही, परवाहा, भोईल हुँदै जनकपुरको बाह्रविघासम्म पुग्ने कार्यक्रम रहेको ईन्जिनीयर यादवले बताए । यसको लागि हुलाकी सडक अन्तर्गत पर्ने विभिन्न स्थानीय तह, वडाहरुसँग समन्वय गरी आन्दोलनको लागि सहयोग गर्न आग्रह गरेका हुन् ।

भोली जनकपुरमा ईन्जिनीयर यादवको नेतृत्वमा नयाँ पुल बनाउन दबाब स्वरुप मोटरसाईकल रैली निकाल्ने कार्यक्रम रहेको छ।