विधुत चुहावट नियन्त्रणमा मधेश प्रदेशमै पहिलो स्थामा धनुषाधाम वितरण केन्द्र

बिजय ठाकुर, जनकपुरधाम । नेपाल विद्युत प्राधिकरण अन्तर्गतको धनुषाधाम वितरण केन्द्रले मधेश प्रदेशमै विद्युत चुहावट नियन्त्रणमा पहिलो स्थान हाँसिल गरेको छ ।

नेपाल विधुत प्रधिकरण धनुषाको धनुषाधाम वितरण केन्द्रले गत गत आर्थिक बर्षमा विधुत चोरी नियन्त्रण अभियान अन्तर्गत १३० जनालाई कारवाही गरेको छ ।

धनुषाधाम वितरण केन्द्रले पेश गरेको प्रतिवेदनमा विद्युत पोलमा सिधै हुकिङ प्रयोग गरी विधुत प्रयोग गरीरहेको अवस्थामा उनीहरुलाई पक्राउ गरी कारवाही गरिएको हो ।

विरतरण केन्द्र प्रमुख रोशन कुमार सिंहले विधुत चुहावट नियन्त्रणका क्रममा विधुत चोरी गरिरहेका अवस्थामा नियन्त्रणमा लिइएका व्यक्ति, विधुत सामग्री, विधुत मिटर उपर कारवाही गर्दा जरिवाना वापत ८८ लाख २३ हजार १०२ रुपैया असुली भएको बताए।

मधेश प्रदेशका विरणकेन्द्र मध्ये विधुत चुहावट नियन्त्रण अभियाण अन्तर्गत सबै भन्दा बढी जरिवाना असुली भएको दावी उनको छ । यसै गरी वितरण केन्द्रले आथिक वर्ष २०८०/०८१ मा तिन करोड ५४ लाख ८८ हजार १७६ युनिट खपत गरेर २६ करोड ८ लाख ८२ हजार १२७ रुपैयाँको विधुत विक्री गरेको छ भन्ने २४ करोड ५३ लाख ५८ हजार ७४१ रुयैयाँ असुल गरेको छ ।

धनुषाधाम वितरण केन्द्रको सेवा क्षेत्र अन्तर्गत बसोवास गर्ने ७५० विपन्नका घरमा निःशुल्क विधुत मिटर जडान गरिदिएको छ ।

प्राधिरणको मापदण्ड अनुसार ५(३) एम्पियर क्षमताको बक्स सहितको सिङ्गल फेज इनर्जी मिटर , एमसिबी बक्स र सर्भिस केवल सहित निःशुल्क मिटर जडान गरिएको बताए । उनले भने –“कोही नागरिक पनि विधुत उपभोगवाट बञ्चित नहोस् भनेर विपन्न वर्गलाई निःशुल्क मिटर दिने व्यवस्था गरिएको हो । पैसा अभावमा मिटर राख्न नसकेपछि विपन्न वर्गले हुकिङ गरी विधुत प्रयोग गर्दै आएका थिए । निःशुल्क मिटर वितरण पछि चोरी नियन्त्रण भई विधुत चुहावत घटने र अनाधिकृत प्रयोग मार्फत हुने विधुतिय दुर्घटना पनि कम हुने भएको छ ।”

निःशुल्क मिटर वितरण र निगरानी बढाइए पछि २ प्रतिशतले विधुत चुहावटमा कमी आएको वितरण केन्द्रका प्रमुख सिंहले बताए ।