राजर्षि जनक विश्वविद्यालयको स्वीयू चुनावमा नेविसंघको बलियो पक्कड

न्यूज ब्यूरो, जनकपुरधाम । भोली विहिबार हुन लागेको स्वतन्त्र विद्यार्थी यूनियनको चुनावमा नेपाल विद्यार्थी संघ (नेविसंघ) ले बलियो पक्कड जमाएको छ ।

राजर्षि जनक विश्वविद्यालय जनकपुरमा भोली साउन १७ गते हुने प्रथम स्वीयू निर्वाचनमा नेविसंघबाट त्रिलोक यादवले सभापति पदको लागि उम्मेदवारी दिएका छन् । सो कलेजमा अध्ययनरत ४ सय बढी विद्यार्थी मतदातामध्ये नेपाली काँग्रेस पृष्ठभूमि रहेको घरबाट रहेकोले नेविसंघको पक्कड बलियो मानिएको छ ।

यता, लोकतान्त्रिक विद्यार्थी संघले समेत आफ्नो कडा मिहिनेतलाई विश्वविद्यालयमा दर्साएका छन् । माहौल अनुसार नेविसंघ र लोविसंघबीच कडा प्रतिस्पर्धा हुने संकेत देखिएको छ । ४५० बढी मात्र मतदाता विद्यार्थी रहेको चुनावमा विभिन्न राजनीतिक दलका विद्यार्थी सँगठनले उम्मदवारी दर्ता गराएपछि झिनो मतान्तरले जीतहार हुने सम्भावना अधिक छ ।

सोही क्रममा विद्यार्थी जनमत संघको गुपचुप चुनावी अभियानले नेविसंघ र लोविसंघलाई समेत मात दिने योजना बुनेको हो । मधेश प्रदेशमा जनमतको सरकार रहेको छ । यद्यपी, राजर्षि जनक विश्वविद्यालय नेपाली काँग्रेस पृष्ठभूमिको मतदाता विद्यार्थीको गढ मानिन्छ ।

जसपा समर्थित विद्यार्थी सँघले समेत कडा मिहिनेत गरिरहेका छन् । यीनीहरुको बीचमा पृष्ठभूमि अनुसार नेविसंघले बाजी मार्ने सम्भावना प्रबल देखिएको छ ।