कमला नगरपालिकामा पनि कित्ताकाट सुरु

न्यूज ब्यूरो, जनकपुरधाम । पूर्वी धनुषाको कमला नगरपालिकामा जग्गाको कित्ताकाट कार्य सुरु भएको छ ।

नगरपालिकाले राजपत्र प्रकाशित गर्दै नेपाल सरकारको ऐन, नियम र राजपत्र बमोजिमको अधिनमा रही नगरपालिकाको विभिन्न वडाबाट कित्ताकाटको लागि सिफारिस लिन सकिने बताए ।

कमला नगरपालिकाका नगर प्रमुख विशेश्वर यादवले सोमबारदेखि नै जग्गाको कित्ताकाट सुरु भएको बताए । उनले अब मालपोत र नापी कार्यालय मार्फत सो कार्य गराउन सकिने बताए ।

कमला नगरपालिकाका प्रशासन शाखा प्रमुख बीरेन्द्र कुमार सढानले नगरपालिकाले केन्द्र सरकारको अनुमति आदेश र राजपत्र बमोजिम विगत दुई बर्षदेखि रोकि राखेको जग्गाको कित्ताकाट सोमबारदेखि नै सुरु गरिएको बताए ।

उनले कमला नगरपालिका भित्रका बासिन्दाले कित्ताकाट रजिष्ट्रेशन गर्नुपरेमा सम्बन्धित वडा कार्यालयमा गई सिफारिस गराएर मालपोत तथा नापी कार्यालय जनकपुरमा गएर कित्ताकाट गराउन सकिने व्यवथा मिलाएको बताए ।

कृषियोग्य जग्गामा जथाभावी घर निर्माण, संरचना निर्माण कार्य भईरहेकोमा कित्ताकाट सुरु भएपछि अब खेतियोग्य जग्गामा संरचना निर्माणको कार्यमा समेत न्यूनिकरण हुने विश्वास लिइएको छ ।