जनकपुरमा मुस्लिम समुदायको मोहर्रम डाईभर्ट, बाह्रविघा मैदानमा प्रतिबन्ध

न्यूज ब्यूरो, जनकपुरधाम । धनुषा प्रशासनले यसपाली मुस्लिम समुदायहरुले मनाउने मोहर्रम रँगभूमि मैदानमा प्रतिबन्ध गरिएको छ ।

जनकपुरधाम उपमहानगरपालिकाका मेयर मनोज साहको अध्यक्षतामा बसेको सर्वपक्षिय बैठकबाट यसपाली मुस्लिम समुदायले मनाउने मोहर्रमलाई बाह्रविघा मैदानमा छिर्न नदिई प्रशासनले तोकेको रुटमा मनाउनुपर्ने निर्णय भएको हो ।

गत बर्ष नै भएको सो निर्णयलाई आधार मानी यसपाली मुस्लिम समुदायको मोहर्रमलाई तिरुहुतिया गाछीमा डाईभर्ट गर्ने निर्णय भएको हो । विगतमा भएको धार्मिक तनावलाई मध्यनजर गर्दै धनुषाका सिडिओ, एसपी लगायतका उच्च पदस्थ सुरक्षा निकायका प्रमुखहरुको रोहबरमा सो निर्णय गरिएको हो ।

हिन्दु सम्राट सेनाको ज्ञापनलाई आधार बनाउँदै मुस्लिम धर्मगुरु अगुवाहरुको रोहबरमा सो निर्णय गरिएको हो । हिन्दु सम्राट सेनाले यसअघि नै जानकी मन्दिर लगायत हिन्दुहरुको धार्मिक स्थलबाट भएर हातहतियार प्रदर्शन नगर्न भन्दै प्रशासन गुहारेको थियो । सोही निर्णयलाई कार्यन्वयको लागि निर्णय भएको हो ।

यसपाली प्रशासनले तोकेको रुटबाट मात्र मोहरर्मको जुलुस निकाल्न पाउने, हातहतियार प्रदर्शन गर्न नपाउने, डिजे बाजा बजाउन नपाउने, निर्णय गरिएको हो । यसको लागि हिन्दु सम्राट सेनाले प्रशासन गुहारेका थिए ।