कमला नगरपालिकामा प्रथम पटक रक्तदान कार्यक्रम हुँदै

न्यूज ब्यूरो, जनकपुरधाम । पूर्वी धनुषाको कमला नगरपालिकामा प्रथम पटक रक्तदान कार्यक्रमको आयोजना गरिएको छ ।

कमला नगरपालिका धनुषा र युएसएआईडी एआरएस परियोजना अन्तर्गत आसपान नेपालको समन्वयमा आईतबार बिहान ८ः०० बजेदेखि नगरपालिकाको प्राँगनमै वृहत रक्तदान कार्यक्रम आयोजन गरिएको स्वास्थ्य शाखा प्रमुख रामकुमार ठाकुरले जानकारी दिए ।

भोली आईतबार हुन लागेको किशोरकिशोरी सम्मेलनको अवसरमा बिहानदेखि रक्तदान कार्यक्रम समेत राखिएको ठाकुरले बताए । उनका अनुसार, नगरपालिकाको समन्वयमा प्रथम पटक रक्तदान कार्यक्रम हुन लागेको हो ।

रक्तदान कार्यक्रममा रक्तदाताहरुलाई रक्त दिन आग्रह गरिएको हो । कमला नगरपालिकाका युवाहरुले रक्तदान गरी मानव सेवामा सहभागी हुन आग्रह गरिएको छ । ४५ किलो तौल भएको स्वस्थ्य व्यक्तिले रक्तदान गर्न सक्ने बताईएको छ ।

रगत दिँदा कमजोरी हुने, रगतको कमी हुने अफवाहमा ध्यान नदिई रक्त दिएपछि शरिरमा नयाँ रक्त निर्माण शिघ्र हुने बताईएको छ । रगत साफ भएपछि विभिन्न प्रकारको रोगहरु नलाग्ने बताईन्छ ।