पूर्वी धनुषामा कमला र जनकनन्दिनीका जनप्रतिनीधि बजेट ल्याउन असफल

न्यूज ब्यूरो, जनकपुरधाम । पूर्वी धनुषाको कमला नगरपालिका र जनकनन्दिनी गाउँपालिकाले बजेट ल्याउन असफल भएको छ । जनकनन्दिनी गाउँपालिका प्रथम पटक समयमै बजेट ल्याउन असफल भएको हो ।

अहिलेसम्म कहिले पनि समयमा बजेट ल्याउन नसकेको कमला नगरपालिकाले पुरानै रितिरिवाजलाई दोहर्याउँदै असफलताको विरासत कायम राखेका छन् भने जनकन्दिनी गाउँपालिकाका जनप्रतिनीधिहरु यसपाली असफल भएका छन् ।

जनप्रतिनीधिहरुबीच समन्वय हुन नसकेपछि जनकनन्दिनीले बजेट ल्याउन सकेनन् । कमलामा भने मेयर उपमेयरबीचको सौतिनीयाँ झगडाको कारण बजेट ल्याउन सकिएको छैनन् । जनकनन्दिनी गाउँपालिकाका जनप्रतिनीधिहरुबीच समयमै समन्वय मिल्न नसकेपछि समयमै बजेट ल्याउन सकिएको छैनन् ।

यसअघि धनुषा जिल्लामै कम बेरुजु ल्याएर उत्तम कार्य सम्पादनको स्थान पाएका जनकन्दिनी गाउँपालिकाको डाउनफल सुरु भएको मानिन्छन् । गाउँपालिका अध्यक्ष दिपिनदेव यादव गाउँपालिका उपाध्यक्ष कमला सहगललाई कार्यवाहक अध्यक्षको जिम्मेवारी दिएका हुन् । उनको स्वास्थ्य अवस्थामा समस्या भएपछि बेडरेस्टमा रहेको बताईएको छ ।