धनुषाधाम नगरपालिका पूर्णखोप घोषित

न्यूज ब्यूरो, जनकपुरधाम । धनुषाको धनुषाधाम नगरपालिका पूर्ण खोप घोषित भएको छ । सोमबार एक कार्यक्रमबीच नगरपालिकालाई पूर्ण खोप घोषणा गरिएको हो ।

एक समारोहको आयोजना गरी धनुषाधाम नगरपालिकाको स्वास्थ्य शाखाले दिएको तथ्याँक अनुसार नगरभरिमा सबै बालबालिकाहरुमा खोपको पूर्ण पहुँच भएपछि पूर्णखोप घोषित गरिएको हो ।

नगर प्रमुख बालेश्वर मण्डलको अध्यक्षता तथा जिल्ला समन्वय समितिका सभापति राजनन्द मण्डलको प्रमुख आतिथ्यमा आयोजना गरिएको समारोहबीच धनुषाधाम नगरपालिकालाई पूर्णखोप घोषणा गरिएको हो । सभापति मण्डलले नगर प्रमुख मण्डललाई पूर्ण खोप घोषणाको प्रमाणपत्रसहित प्रसँशापत्र प्रदान गरेका थिए ।

कार्यक्रममा उपप्रमुख विद्यादेवी भुजेल, जिल्ला स्वास्थ्य कार्यालयका उमेश कुमार यादव, स्वास्थ्य सेवा विभाग खोप महाशाखाका प्रमुख, धनुषाधाम नगरपालिकाका निमित्त प्रमुख प्रशासकीय अधिकृत सँजीत दास, सबै वडाका वडाध्यक्ष, नगरभरिका महिला स्वयँसेविका, स्वास्थ्यकर्मी, ईन्चार्ज, कर्मचारीहरुको सहभागीता रहेको थियो ।