महोत्तरीमा एक युवकमाथि गोली प्रहार

न्यूज ब्यूरो, जलेश्वर । महोत्तरीमा एक युवकमाथि दिनदहाडै गोली प्रहार भएको छ । आज साँझ करिब ६ बजेको समयमा युवकमाथि गोली प्रहार भएको हो ।

महोत्तरीको गौशाला नगरपालिका वडा नम्बर ११ भरतपुरका ३० वर्षीय मुरारी भनिने विनय महतो माथी मरहा खोलामा गोली प्रहार भएको महोत्तरी प्रहरीका प्रवक्ता डिएसपी सन्तुलाल जयसवारले जानकारी दिए ।

कम्मरमा गोली लागेर उनी गम्भीर घाइते भएका छन् । उनलाई उपचारको लागि जनकपुर ल्याइएको प्रहरीले जनाएको छ ।

आज साँझ करिब ६ बजे घरबाट गौशाला बजार जाने क्रममा मराहा खोलामा दुईवटा मोटरसाइकलमा आएका हतियारधारी समुहले लुटपिट गर्न गोली प्रहार गरेको बताईएको छ् ।

उनले लगाएको सुनको ब्रासलेट र सिक्री लुटिएको छ । घटना विषयमा थप अनुसन्धान गरिरहेको महोत्तरी प्रहरीले जनाएको छ ।