काँग्रेस बिना अहिलेको सरकारको आयू छैनः नेता ढुँगाना

न्यूज ब्यूरो, जनकपुरधाम । नेपाली काँग्रेसका नेता आनन्द प्रसाद ढुँगानाले वर्तमान सरकारलाई नेपाली काँग्रेस बिना कुनै आयू नरहेको बताएका छन् ।

मँगलबार धनुषाधामस्थित सहिद ठाकुर प्रसाद ढुँगानाको ६१ औँ स्मृति दिवसको अवसरमा आयोजित श्रद्धाञ्जली कार्यक्रममा बोल्दै नेता ढुँगानाले काँग्रेस बिनाको सरकार आयूहिन रहेको बताए ।

राष्ट्रिय सभा सदस्य समेत रहेको नेता ढुँगानाले देशको सबभन्दा ठुलो पार्टीको रुपमा रहेको नेपाली काँग्रेसले पनि कुनै दलसँग गठबन्धन गरी सरकार बनाउने तयारीमा रहेको जानकारी दिए ।

श्रद्धाञ्जली कार्यक्रममा नेपाली काँग्रेसका सहमहामन्त्री महेन्द्र यादव, नेपाली काँग्रेसका नेता रामसरोज यादव, प्रदेश साँसद शेषनारायण यादव, धनुषाधामका मेयर बालेश्वर मण्डल, उपमेयर विद्यादेवी भुजेल लगायत काँग्रेसका नेताहरुको सहभागीता रहेको थियो ।