जनकपुरधाम घुम्न आएकी तीन बालिका बेपत्ता

न्यूज ब्यूरो, जनकपुरधाम । धार्मिक नगरी जनकपुरधाम घुम्न आएकी महोत्तरीकी तीन बालिका विगत तीनदिन देखि बेपत्ता भएको छ ।

महोत्तरीको बर्दिबासबाट जनकपुर घुम्न भएका तीन जना बालिका विगत तीन दिनदेखि बेपत्ता भएका हुन् ।

बर्दिबास नगरपालिका वडा नम्बर १ का १० देखि १३ वर्ष उमेर समूहका तीन जना बालिका गएको मंगलबार जनकपुर गएदेखि नफर्किएका अभिभावकले बताएका छन् ।

ईलाका प्रहरी कार्यालय बर्दिवासका डीएसपी रेवतीरमण पोखरेलले पनि बालिकाहरु बेपत्ता भएको घटनाको पुष्टि गरेका छन् । बेपत्ता हुने बालिका एउटा १० वर्षकी छन् भने बाँकी २ जना १३÷१३ वर्षका रहेका छन् ।

उनीहरु बर्दिबासमै रहेको देउराली मावि र ग्लोवल एकेडेमीमा अध्ययनरत रहेका आफन्तले बताएका छन् । बर्दिबास नगरपालिका वडा नम्बर १ का वडाध्यक्ष भोला खड्काले हराएका बालिकाको विषयमा थप बुझ्ने काम आफूले पनि गरिरहेको जानकारी दिए।