जनकपुरसहित धनुषाका विद्यालयहरुमा धमाधम गर्मी विदा

न्यूज ब्यूरो, जनकपुरधाम । अत्यधिक गर्मीको कारण बालबालिकाहरुमा असर पर्न थालेपछि जनकपुरधामसहित धनुषा जिल्लाका विद्यालयहरु बन्द गर्ने निर्णय गरिएको छ ।

सो क्रममा जनकपुरधामभित्रका विद्यालयहरु पाँच दिनको लागि बन्द गरिएको हो । भोली विहिबारदेखि आगामी सोमबारसम्मको लागि विद्यालय बन्द रहने सूचना जारी गरिएको छ ।

जनकपुरधाम उपमहानगरपालिकाले बुधबार एक सूचना जारी गर्दै उपमहानगरपालिकाभरिका सामुदायिक तथा संस्थागत विद्यालयहरुमा पाँच दिनसम्मका लागि आकस्मिक गर्मी विदा दिने निर्णय गरेको हो ।

हाल बढ्दो अत्यधिक गर्मीका कारण बालबालिकाको स्वास्थ्यमा पर्नसक्ने प्रतिकूल असरलाई मध्यनजर गर्दै जेठ १७ गते बिहिबारदेखि २१ गते सोमबारसम्म वर्षे बिदाबाट कट्टा हुनेगरी उपमहानगरपालिका अन्तर्गतका सामुदायिक तथा संस्थागत विद्यालयहरुमा प्रशासनिक कार्यबाहेक पठनपाठन बन्द रहने जनकपुरधाम उपमहानगरपालिकाका उपनिर्देशक मेहीलाल यादवले जानकारी दिएका छन् ।

विदाको लागि धनुषाको प्याबसन र एनप्याबसन समेत पहल गर्दै बालबालिकाहरुको स्वास्थ्यलाई ध्यानमा राखी विदा दिने निर्णय गरेको हो ।