अत्यधिक गर्मीले बेहोस हुन थाले बालबालिका, स्कूलहरु अझै दिएनन विदा

न्यूज ब्यूरो, जनकपुरधाम । तराईमा तापक्रमको पारा चढेपछि स्कूल पढने बालबालिकाहरु धमाधम बेहोस हुन थालेको छ ।

समुदायिक विद्यालयमा अत्यधिक गर्मीको कारण विद्यार्थीहरु बेहोस हुन थालेको हो । समुदायिक विद्यालयमा पँखाको व्यवस्था नहुँदा वा भएपनि एक तल्ले भवनमा गर्मी सहीनसक्ने भएपछि बेहोस हुन थालेको हो ।

सोही क्रममा धनुषाको मिथिलाबिहारी नगरपालिका स्थित मिथिलेश्वर मौवाही विद्यालयमा दुई विद्यार्थी बेहोस भएका छन् । गर्मीको कारण बेहोस भएको विद्यालय प्रशासनले जनाएको छ । उनीहरुलाई तत्कालै चिसो हावामा राखेर रिकभर गरिएको जनाएएको छ ।

अत्यधिक गर्मीको कारण सुविधा सम्पन्न विद्यालयमा फरक नपरेपनि सुविधा नभएको विद्यालयमा कठिनाई उत्पन्न भएको हो । अहिले जनकपुरको तापक्रम ४२ डिग्री सेल्सियससम्म चढने गरेको छ ।