दलित बालिका बलात्कार प्रकरणमा प्रहरीद्धारा नै घटना दबाउने प्रयास

२०८१ बैशाख ३० आइतबार
बिहान ०९:०२ बजे
न्यूज ब्यूरो, डेस्क

न्यूज ब्यूरो, वीरगँज ।  पर्सा प्रहरीले नै दलित बालिका बलात्कार घटना दबाउने प्रयास गरेको आरोप लागेको छ ।

बिचौलियाको सक्रियतामा प्रहरी अधिकारीले बलात्कारको मुद्दा दर्ता गर्न अनाकानी गरेको पीडित पक्षको आरोप छ । जिल्ला प्रहरी कार्यालय पर्साका प्रमुख प्रहरी उपरीक्षक कुमोद ढुगेल बिदा गएको वेला निमित प्रमुख रहेका प्रहरी नायबउपरिक्षक ९डीएसपी० कुमार बिक्रम थापा बिचौलियाको प्रभावमा परेर घटना दबाउन चलखेल गरेको पीडितले आरोप लगाएका छन् ।

पर्साको कालिकामाई गाउँपालिकामा वडा नम्बर ३ हरिहपुर विर्ताकी १३ बर्षीया बालिकालाई उनकै छिमेकका ५० बर्षीय बनारसी महतो केवटले बैशाख २२ गते शनिबार राति बलात्कार गरेको आरोप छ । 

चापाकलमा पानी लिन घरबाट बाहिर निस्केको बेला छिमेकका केवटले मुख थुनेर बाँसघारीमा लगेर नशालु पदार्थ सुंघाएर बेहोश बनाइ बलात्कार गरेको पीडित बालिकाको भनाइ छ । पानी लिन गएकी बालिका घर नफर्के पछि घर परिवारले खोज तलास सुरु गरेका थिए ।

आइतबार बिहान बाँसघारीमा युवतीलाई टोलका महिलाहरु अचेत अवस्थामा देखेर परिवारलाई खबर गरेका थिए । बेहोस बालिकालाई घरमा ल्याएर घरेलु उपचार गरेको र होश खुलेपछि रुदैं छोरीले आफूसंग केवटले गरेको दुष्कर्मका बारेमा सविस्तार बताएको पीडिताका बुवाले बताए ।

घटनाबारे आरोपित केवटको घरमा बैशाख २३ गते बिहान आफूहरु पुगेर सोधीखोजी गर्दा केवटले आफूले बलात्कार गरेको स्वीकार गर्दै १ लाख रुपैयाँ लिएर चुपचाप बस्न धम्की समेत दिएको पीडित परिवारजनको आरोप छ ।

 पीडित बालिकाका वुवाले भने,‘ केवटले तिमीहरु सानो जातका हौं केही गर्न सक्दैनौ मलाई । मेरो पहुँच ठूलाबडा नेताहरुसंग छ ।’ आरोपित केवट अपराधी चरित्रको व्यक्ति भएको पहिला पनि अपहरण तथा ज्यान मार्ने मुद्दामा १० बर्ष जेल सजाय काटेर छुटेका व्याक्ति छन् ।

  • 0%
  • 0%
  • 0%
  • 0%
  • 0%
  • 0%

'सोच परिवर्तन भए मात्र देशको विकास सम्भव छ'

  • २०८१ बैशाख ३० आइतबार
  • ईन्द्रजीत गोईत

हाम्रो देशको अवस्था दिनप्रतीदिन नाजुक हुँदै गइरहेको छ । हाम्रो पहिचान समाप्त हुँदै गइरहेको छ । हाम्रो देशको विकास तब मात्र सम्भव छ जब यो देशको हरेक नागरिक आफ्नो जिम्मेवारी

पूरा पढ्नुहोस्

Bureau Menus