नेपाल बैँकका गार्डको खुकुरी प्रहार गरी हत्या

न्यूज ब्यूरो, राजविराज । सप्तरीमा ड्युटीमा रहेका नेपाल बैंक लिमिटेडका सुरक्षा गार्डको हत्या भएको छ।

सप्तकोशी नगरपालिका -१ फत्तेपुरस्थित शाखामा कार्यरत सुरक्षागार्ड ५५ वर्षीय परशुराम फुँयालको हत्या भएको हो।

बिहीबार बिहान करिब सवा ६ बजेतिर शव फेला परेको जिल्ला प्रहरी कार्यालय सप्तरीका डीएसपी ढुण्डिराज न्यौपानेले जानकारी दिए ।

फुँयालको शरिरमा खुकुरीले प्रहार गरेको देखिन्छ । घटनाबारे अनुसन्धान भइरहेको डीएसपी न्यौपानेले बताए ।