जनकपुरः बोर्डिँग स्कूलको बच्चा बोक्ने भ्यानमा आगलागी

न्यूज ब्यूरो, जनकपुरधाम । जनकपुरधाममा एक निजी स्कुलको भ्यानमा आगलागी भएको छ । सोमबार विहानै भएको सो आगलागीबाट कुनै मानवीय क्षति भने भएनन् ।

जनकपुरधाम उपमहानगरपालिका वडा नम्बर २१ कुर्थामा शिवशारदा स्कुलको ज १ च १८५३ नम्बरको भ्यानमा सोमबार बिहान ६ बजे आगलागी भएको प्रहरीले जनाएको छ ।

आगलागीबाट कुनै मानवीय क्षति नभएको र जनकपुरधाम उपमहानगरको वारुणयन्त्र र स्थानीयवासीको सहयोगमा जिल्लाबाट खटिएको प्रहरी टोलीले आगलागी नियन्त्रणमा लिएको प्रहरीले जनाएको छ ।

भ्यानमा कुन कारणले आगलगी भएको बारे अझै खुलेको छैनन् । सडकमा गुडिरहेकै अवस्थामा भ्यानमा आगलागी भएको हो ।