महोत्तरीको मटिहानी अग्नि पीडितको लागि जथाभावी रकम असुलिँदै, पीडितसम्म पुग्छन थोरै

न्यूज ब्यूरो, जलेश्वर । महोत्तरीको मटिहानीमा भएको भिषण आगलगीपछि पीडित भएका त्यहाँका सर्वसाधारणहरुको नाममा समाजिक सँजाल मार्फत जथाभावी रकम असुली कार्य गरिरहेको देखिएको छ ।

अग्निपीडितको अवस्थालाई मध्यनजर गर्दै समाजिक सँजालमार्फत उनीहरुको नाममा सहयोग माग्ने गरिएको देखिएको छ । पीडितहरुको नाममा माग्ने सो रकम वास्तविक पीडितसम्म पुग्ने नगरेको गुनासो गरिएको छ ।

मटिहानी नगरपालिका वा अन्य सरोकारबाला निकाय मार्फत सहयोग राशी, रकम, राहत समयमा गएपनि समाजिक सँजाल फेसबुकमा व्यक्तिगत, एनजिओको खातामा रकम असुल्ने कार्य जारी रहेको देखिएको छ । वैदेशिक रोजगारीमा रहेका युवकहरुले मानवीय संवेदनामा हेरी सहयोग राशी पठाएपनि उनीहरु सम्म पहुँच भने भईनरहेको बताईएको छ । केही व्यक्तिहरुले आफनो ईसेवा वा बैँक खाता जारी गरेर रकम असुल्ने कार्य गरिरहेका छन् ।

उमेश बचाउ अभियानको क्रममा समेत यस्तै स्क्याम भएको थियो । समाजिक सँजालको मार्फत उमेश बचाउ अभियानको नाममा रकम उठाएर घपला गरिएको थियो । मटिहानीको घटनामा समेत यस्तै प्रवृति देखिएकोले अधिकारिक व्यक्ति वा सँस्था मार्फत सहयोग गर्न अपिल गरिएको हो ।

मटिहानी नगरपालिका वडा नम्बर ६ मा रहेको गुठीको सार्वजकि जग्गा क्याप्चर गरी सयौँ व्यक्तिहरुले अवैद्य घर बनाएकोमा आगलगी हुँदा एकै पटक साफ भएको हो ।