धनुषाको नयाँ एसपीमा तिवारी आउँदै, जनकपुरका चाप्लुसहरुको तयारी सुरु

न्यूज ब्यूरो, जनकपुरधाम । झण्डै ५ महिनामै अधुरो कार्यकाल सकाएर सरुवा खेपेका धनुषाका तत्कालिन एसपी दिनबन्धु शर्मापछि धनुषामा नयाँ एसपीको रुपमा भुवनेश्वर तिवारी आउन लागेका हुन् ।

जिल्ला प्रहरी कार्यालय धनुषाको प्रहरी प्रमुखको रुपमा आजै कार्यभार सम्हाल्ने कार्यक्रम रहेको जिल्ला प्रहरी कार्यालय धनुषाले जनाएको छ । एसपी तिवारी काठमान्डौँबाट बिहान ९ बजे जनकपुर पुगेर १० बजेतर्फ कार्यभार सम्हाल्ने जनाइएको हो ।

मात्र पाँच महिनामै तानिएका धनुषाका तत्कालिन एसपीले आफ्नो कार्यकालमा शून्य काम गरेर जाने एसपीको सूचिमा गनिए । कार्य सम्पादन, शैलीले उनलाई धनुषाका नागरिकहरुले खासै मन पराएनन् ।

गृहमन्त्रालयले विभिन्न जिल्लाका एसपीहरुको सरुवा गरेपछि नयाँ एसपी बनेर जनकपुर आउन लागेका भुवनेश्वर तिवारीको स्वागतको लागि जनकपुरका चाप्लुसहरुको तयारी आइतबारदेखि नै सुरु भएको देखिएको छ ।

धनुषामा नयाँ प्रहरी प्रमुख आउँदा माला, खाद्या, अबिर लिएर प्रतिक्षा गर्ने प्रवृति अझै हटेको छैनन् । यहाँका नागरिक समाज भनाउँदाहरु, विभिन्न निर्माण कम्पनीका ठेकेदार, प्रहरी प्रशासनमा दलाली गर्ने दलालहरुसहित केही कथित पत्रकारहरु समेत स्वागतको नाममा चाप्लुसी गर्दै आएका छन् ।

एसपी तिवारी सोमबार (आज) जनकपुर आउन लागेको खवरपछि समाजिक सँजालमा ट्याग गरिदैँ बधाई स्वागतसहित माला लिएर एयरपोर्ट जाने, जिल्ला प्रहरी कार्यालयमा हुने परिचयात्मक कार्यक्रममा माला लगाउने लर्कोको लाइनमा विहानैदेखि लागेका छन् । उनीहरुले प्रहरी प्रमुखसँग सम्पर्क बनाइ अवैद्य, अनैतिक, अवैद्यानिक कार्यहरुमा बिचौलियाको काम गर्न यस्तो प्रवृतिलाई दोहरयाउँदै आएका छन् ।

र यो पनि...