धनुषा निर्माण व्यावसायी संघको अध्यक्षमा दोस्रो पटक चौधरी विजयी

न्यूज ब्यूरो, जनकपुरधाम । धनुषा निर्माण व्यावसायी संघ, धनुषाको अध्यक्षमा पुनः अशोक कुमार चौधरी विजयी हाँसिल गरेका छन् ।

पहिलो कार्यकाल कुशल पूर्वक सम्पन्न गरेका निर्माण व्यावसायी अशोक चौधरीले शनिबार भएको मतदान प्रक्रियाबाट सबभन्दा अधिक मत ल्याएर विजयी भएका हुन् । उनले कुल २३९ मत ल्याएर विजयी भएका हुन् ।

शनिबार भएको निर्वाचनको क्रममा कुल ५९५ मतदातामध्ये ५०५ मत खसेको थियो । अध्यक्ष पदको लागि चौधरीले २३९ मत प्राप्त गरे भने उनका निकटतम प्रतिद्धन्दी रमेश कुमार यादवले १७५ मत प्राप्त गरे । अध्यक्षमा चार जनाको उम्मेदवारी परेकोमा जगदिश महासेठ ६४ मत र प्रदिप गुप्ताले १९ मत प्राप्त गरे ।

यस्तै, संघको उपाध्यक्षमा जय प्रकाश साह (पप्पु) ले १३९ मत ल्याएर विजयी भएका हुन् । उनका निकटम प्रतिद्धन्दी विकास कुमार साहले ११८ मत ल्याए । संघको महासचिव पदको लागि रुपेश कुमार सिँहले १३४ मत ल्याएर विजयी भए ।

संघको सचिव पदमा मनोज कुमार साह २०५ मत प्राप्त गरी विजयी भएका हुन भने कोषाध्यक्षमा लक्ष्मण कुमार यादवले १६४ मत प्राप्त गरी विजयी भए ।

निर्माण व्यावासायीको सदस्यको लागि क वर्गबाट सँतोष कुमार यादव र ख बाट सुभाषचन्द्र चौधरी निर्विरोध निर्वाचित भएका हुन् । वर्ग ग बाट उम्मेदवारी नै नपरेको निर्वाचन समितिले जनाएको छ ।

यस्तै, समितिको सदस्यहरुमा राजीव कुमार साह (घ वर्ग) बाट २११ मत प्राप्त गरी विजयी भएका हुन । दिपक यादव १९८ मत र कमलेश कुमार जयश्वाल १८४ मत प्राप्त गरी सदस्य पदमा विजयी भएका हुन् ।