मिटरब्याज सम्बन्धी गुनासो तत्कालै कारवाही गर्न सिडिओ अफिसहरुमा डेस्क स्थापना

न्यूज ब्यूरो, जनकपुरधाम । अनुचित लेनदेन (मिटरब्याज) सम्बन्धी गुनासोमाथि कारवाहीको लागि देशैभरको जिल्ला प्रशासन कार्यालयहरुमा डेस्क स्थापना गरिएको छ ।

गृहमन्त्रालयले सोमबार एक सूचना जारी गर्दै देशैभरिको जिल्ला प्रशासन कार्यालय (सिडिओ अफिस) हरुमा मिटरब्याज पीडितहरुको लागि बेग्लै डेस्क स्थापना गरेको जनाएको हो । अधिकृतस्तरको कर्मचारीलाई राखेर मिटरब्याज सम्बन्धी समस्या समाधान गर्न डेस्क स्थापना गरेको हो ।

अब मिटरब्याज सम्बन्धी मुद्दा उपर सुनुवाईको लागि र कारवाहीको लागि निरन्तर सिडिओ कार्यालयमा सेवा प्रवाह हुने भएको छ ।