कञ्चनवनमा होली खेलेर परिक्रमाको धार्मिक लस्कर आज धनुषाको पर्वतामा

न्यूज ब्यूरो, जनकपुरधाम । १५ दिने परिक्रमाको धार्मिक लस्कर आज धनुषा जिल्ला पसेका छन् । आईतबार महोत्तरीको कञ्चनवनमा होली खेलेको धार्मिक लस्करले आज धनुषाको पर्वता पुग्न थालेको हो ।

धनुषाधाम नगरपालिका वडा नम्बर ५ पर्वतास्थित आज सोमबार विश्राम गरी भोली मँगलबार धनुषाधामको लागि प्रस्थान गर्ने भएको छ ।

त्रेतायुगमा भगबान रामर सिताले यहि धार्मिक स्थलमा एकापसमा रंग अबिर लगाइ होलि खेलेको धार्मिक बिश्वास अनुसार कञ्चनवनमा होली खेलेर आज पर्वता पुग्ने भएको हो ।

पर्वता र धनुषाधामको लागि धनुषाधाम नगरपालिकाका मेयर बालेश्वर मण्डलले विशेष सुरक्षा तथा अतिथि सत्कारको व्यवस्था मिलाएको हो । परिक्रमावासी विश्राम गर्ने स्थानमा वृहत सरसफाईसहित सुरक्षाको लािग समेत सुरक्षा निकायसँग समन्वय गरेको हो ।

आइतवार राती कन्चनवनमा विश्राम गरि परिक्रमा यात्री सोमबार क्रमशः ध्स्नुषाको पर्वता , धनुषाधाम, औरही , भारतको बिशौल हुँदै पुनः कल्याणेश्वर र त्यसपछी पुर्ण पुर्णिमाका दिन जनकपुरधाममा एक दिने अन्तरगृह परिक्रमा गरी घर फर्क्नेछन।

सुख ,शान्ती र समृद्धी प्राप्तिका जनबिश्वाससहित परिक्रमा यात्री मध्यमा परिक्रमामा १३३ किलोमिटर नेपालको १३ र भारतको २ स्थान गरि १५ पडाव पार गर्दै १३३ किलोमिटरको दुरि पैदल यात्रा गर्छन।