सर्लाहीमा मन्दिर तोडफोड गरेको आरोपमा बैठा पक्राउ

न्यूज ब्यूरो, सर्लाही । सर्लाहीको मलँगवास्थित विभिन्न मन्दिरमा तोडफोड गरेको आरोपमा एक युवकलाई प्रहरीले पक्राउ गरेको छ । सर्लाहीमा यस्तो घटनापछि नेपाल प्रहरीले यति चाँडो पक्राउ गरी सार्वजनिक गरिएको पहिलो घटना हो ।

गत मँगलबार ब्लुकी सर्लाहीको मलँगवास्थित रहेको राजदेवी मन्दिर लगायत अन्य मन्दिरहरुमा तोडफोड गरेको आरोपमा सर्लाहीको मलँगवा नगरपालिका वडा नम्बर बस्ने बर्ष ३३ को राकेश बैठालाई पक्राउ गरी सार्वजनिक गरिएको हो ।

जिल्ला प्रहरी कार्यालय सर्लाहीबाट खटेको टोलीले सबुत प्रमाणको आधारमा बैठालाई पक्राउ गरी सार्वजनिक गरेको हो । मन्दिरमा भेटाएको हातहतियार औजारको आधारमा अनुसन्धान गर्दै जाँदा उनलाई पक्राउ गरिएको प्रहरीले जनाएको छ ।

यद्यपी, प्रहरीले सबुत प्रमाण भनेपनि विस्तृतमा जानकारी दिन सकेका छैनन् । बैठालाई कुन आधारमा पक्राउ गरी सार्वजनिक गरिएको बारे जिज्ञासा उठेको छ । पक्राउ बारे विस्तृत खुलाईएको छैनन भने समाजिक सँजालमा घटनालाई ढाकछोप गर्नको लागि निर्दोषलाई पक्राउ गरी सार्वजनिक गरिएको टिकाटिप्पणी समेत गरिएको छ ।

जानकारी अनुसार, पक्राउ परेका राकेश बैठा धोबी आफैँ कानुनका विद्यार्थी हुन् । उनी कानुन विषय लिएर पढदैछन् ।