जसपाबाट उपेन्द्र यादवसहित यी तीनै जना मन्त्री बन्दै

न्यूज ब्यूरो, जनकपुरधाम । उपेन्द्र यादव नेतृत्वको जनता समाजवादी पार्टी (जसपा) नेपालले दुई मन्त्रीको नाम टुँगो लगाएको छ ।

बिहीबार भर्खर सम्पन्न पार्टीको केन्द्रीय कार्यकारिणी समितिको बैठकले उपप्रधानमन्त्रीसहित स्वास्थ्य तथा जनसंख्या मन्त्रीमा पार्टी अध्यक्ष यादव आफैँ लिने र अन्य दुईलाई मन्त्री बनाउने निर्णय गरेको हो ।

जसपाका प्रचारप्रसार तथा प्रकाशन विभाग प्रमुख पूर्ण बस्नेतका अनुसार वन तथा वातावरण मन्त्रीमा सप्तरी निर्वाचन क्षेत्र नम्बर १ बाट निर्वाचित नवलकिशोर साह र धनुषा निर्वाचन क्षेत्र नम्बर १ बाट निर्वाचित दीपक कार्कीलाई स्वास्थ्य राज्यमन्त्रीमा पठाउने निर्णय गरेको हो।