बारामा सिलिण्डर विस्फोट, एक जनाको मृत्यू, आधा दर्जन घाईते

न्यूज ब्यूरो, बारा । मधेश प्रदेशको बारा जिल्लास्थित सिलिण्डर विस्फोट हुँदा एक जनाको मृत्यू भएको छ भने भने अन्य पाँच जना घाईते भएका छन् ।

बाराको निजगढ नगरपालिका वडा नम्बर ७ निजगढ बजारमा रहेको एक वर्कसपमा ग्याँस सिलिण्डर विस्फोट भएको प्रहरीले जनाएको छ । सोही विस्फोटमा परी एक जनाको ज्यान गएको हो ।

स्थानीय बजारमा रहेको रोहित वर्कसपमा ग्यास सिलिण्डर पड्किँदा एक जनाको मृत्यु भएको र ५ जना घाइते छन् ।

मृत्यु हुनेमा निजगढ वडा नम्बर ५ बस्ने ४७ वर्षीया रेशम मगर रहेको जिल्ला प्रहरी कार्यालय बाराका डीएसपी दधिराम न्यौपानेले बताए । मगरको बयोधा अस्प्ताल वीरञ्जमा उपचारका क्रममा मृत्यु भएको हो ।

उनका अनुसार, घटनामा ५ जना घाइते छन् । घाइते हुनेमा बाराका ४५ वर्षीया सूर्यबहादुर थापा, वीरगञ्ज–९, पर्साका फिरोद देवान, २० वर्षीया रितु रजत, भारतीय नागरिक ३५ वर्षीय राकेश जयसवाल र २० वर्षीय अरविन शाह छन् ।

घाइतेको वयोधा अस्प्तालमा उपचार भइरहेको छ । सोमबार मध्याह्न १२ बजे रोहित वर्कसप लेथमा ग्यास बेल्डिङ गर्ने क्रममा सिलिण्डर पड्किएको थियो ।