जनकनन्दिनी गाउँपालिकामा नयाँ अधिकृतको रुपमा यादवले सम्भाले कार्यभार

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकामा नयाँ प्रमुख प्रशासकीय अधिकृतको रुपमा शैलेस यादव हाजिर भएका छन् ।

आईतबार जनकनन्दिनी गाउँपालिकाका गाउँपालिका अध्यक्ष दिपिनदेव यादव र उपाध्यक्ष कमला सहगलले सँयुक्त रुपमा यादवलाई हाजिर गराएको हो ।

महिनाभन्दा अधिक समयदेखि अधिकृतविहिन रहँदै आएको जनकनन्दिनी गाउँपालिकामा नयाँ प्रमुख प्रशासकीय अधिकृत हाजिर भएपछि विकासका कार्यहरु सुचारु हुने विश्वास लिइएको छ ।

संघीय मामिला तथा समान्य प्रशासन मन्त्रालयले गाउँपालिकाका तत्कालिन प्रशासकीय अधिकृत सर्वजीत कुमार झा केही दिनकै कार्यसम्पादन गरी अन्त्यतै सरुवा भएपछि गाउँपालिका अधिकृतविहिन रहँदै आएको थियो ।

आईतबार वडा नं. २ का वडाध्यक्ष अब्दुल मालिक, वडा नं. ६ का वडाध्यक्ष सूर्यदेव यादव, वडा नम्बर ३ का वडाध्यक्ष विष्णुदेव साह लगायत अन्य वडाध्यक्षहरुको रोहबरमा अधिकृत शैलेस यादव हाजिर भई कार्यभार सम्हालेका हुन् ।

यसअघि सिरहाको विष्णुपुर गाउँपालिकामा कार्य सम्पादन गर्दै आएका अधिकृत यादवले आईतबारदेखि जनकनन्दिनीको कार्यभार सम्हालेका हुन् ।

सो क्रममा स्वास्थ्यचौकी प्रमुख एवम् तत्कालिन निमित्त प्रमुख प्रशासकीय अधिकृत अयोधी दास, जिन्सी शाखाका प्रमुख सँजय यादव, स्वास्थ्य शाखा प्रमुख रविभुषण मण्डल, प्रशासनका रामनरेश ठाकुर, आईटी शाखाका ऋषिकेश यादव, लेखा अधिकृत विनोद मण्डल, योजना शाखा प्रमुख मुकेश मण्डल, प्राविधिकका बन्धु झा, अर्जुन मण्डल लगायतका कर्मचारीहरुले उनलाई स्वागत गरे ।