जनमतले १९ दिनपछि खोले मधेशको कृषि विश्वविद्यालयमा लगाईको ताला 

२०८० माघ २६ शुक्रबार
बिहान ०९:०२ बजे
न्यूज ब्यूरो, डेस्क

न्यूज ब्यूरो, राजविराज ।  मधेश प्रदेश कृषि विश्व विद्यालयमा जनमत पार्टीद्वारा लगाइएको ताला १९ दिन पछि खोलिएको छ ।

दुईदिन लगातार बसेको सर्वदलीय बैठकमा सहमति जुटेपछि विश्वविद्यालयमा माघ ७ गते सात बुंदे मागसहित जनमत पार्टीका नेता कार्यकर्ताद्वारा लगाइएको ताला खोलिएको छ । 

विभिन्न राजनीतिक दलका प्रतिनिधि, विश्वविद्यालयका पदाधिकारी तथा सुरक्षानिकायका प्रमुखहरुको उपस्थितिमा जनमत पार्टीका जिल्ला इन्चार्ज रामगमन साहले विश्वविद्यालयको मूल गेटमा लगाइएको ताला खोलेका छन् । उनकै अगुवाइमा माघ ७ गते सात बुंदे माग अघि सार्दै तालाबन्दी गरिएको थियो ।

विश्वविद्यालयमा दलीय आतंक बन्द गर्नुपर्ने, अवैधानिक कार्य रोक्नु पर्ने, विश्वविद्यालयमा भएको अनियमितताको छानविन गर्नुपर्ने, परीक्षाबोर्ड गठन विनै लिएको परीक्षाको छानविन हुनुपर्ने, नियुक्तिमा राजनीतिकरण रोक्नुपर्नेलगायतका माग राखेर जनमत पार्टीले तालाबन्दी गरेको थियो । 

तालाबन्दीले विश्वविद्यालयको शैक्षिक गतिविधि ठप्प हुनुका साथै दैनिक कामकाजसमेत प्रभावित हुन पुगेको भन्दै दुईदिन अघि रजिष्ट्रार डा।भगवान ठाकुरले गरेको अनुरोधपछि सम्वाद र छलफल मार्फत समस्याको समाधान भएको हो ।

  • 0%
  • 0%
  • 0%
  • 0%
  • 0%
  • 0%

भारती जस्तै 'आरती' लाई पनि न्याय देउ सरकार !

  • २०८० माघ २६ शुक्रबार

सम्पादकीय । न्याय व्यवस्था मरिसकेको भनेर थेगो भएको अवस्थामा विहिबार सर्वोच्च अदालतले दिएको निर्णयले न्याय व्यवस्था देशमा अझै जीवित छ भनेर अनुभूति दिलायो । हत्या मुद्दामा जेल सजाय काटिरहेका गुण्डा नाईके

पूरा पढ्नुहोस्

Bureau Menus