सिरहाको नयाँ सिडिओमा दाहाल, माओवादीयनहरुले गरे स्वागत

न्यूज ब्यूरो, सिरहा । सिरहामा नयाँ प्रमुख जिल्ला अधिकारी (सिडिओ) मा बासुदेव दाहाल हाजिर भएका छन् ।

यसअघिका राजेन्द्र देव पाण्डे गृहमन्त्रालय तानिएपछि नयाँ प्रजिअको रुपमा वासुदेव दाहाल हाजिर भएका हुन् । उनी मँगलबार नै हाजिर भएर सिरहा जिल्लाको कमान सम्हालेका हुन् ।

मँगलबार माओवादी निकट नेता कार्यकर्ताहरु सिडिओ कार्यालय पुगेर सिडिओ दाहाललाई स्वागत गरेका हुन् । माओवादीका कार्यकर्ताहरुले सिडिओ दाहाललाई अबिर माला लगाउँदै कार्यालयमा स्वागत गर्दै समाजिक सँजालमा तस्विरहरु समेत साँझा गरेका छन् ।

यसअघि तत्कालिन प्रजिअ राजेन्द्रदेव पाण्डेलाई नेपाली काँग्रेसका नेता कार्यकर्ताहरुले स्वागत र विदाई गरेका थिए । माओवादीका एक मध्यम नेताको मिटरब्याज सम्बन्धी कार्य गैर कानुनी नगर्दा उनलाई गृहमन्त्रालय तानिएको थियो ।