डिप्लोमा इन्जिनीयर जनमत सँघको जिल्ला अध्यक्षमा दिपेन्द्र ठाकुर

न्यूज ब्यूरो, जनकपुरधाम । जनमत पार्टीको भातृ सँगठन डिप्लोमा ईन्जिनीयर जनमत सँघको धनुषा जिल्ला अध्यक्षमा दिपेन्द्र ठाकुर चयन भएका छन् ।

जनकपुरमा बसेको बैठकबाट ३५ सदस्यीय जिल्ला कार्य समिति चयन गर्दै जनमत पार्टीले डिप्लोमा ईन्जिनीयर जनमत सँघको जिल्ला नेतृत्वको जिम्मेवारी दिपेन्द्र ठाकुरलाई दिएको हो ।

डिप्लोमा जनमत सँघका केन्द्रीय उपाध्यक्ष विवेक मोरबैताको अध्यक्षता तथा सिरहा निर्वाचन क्षेत्र नं. २ (ख) का निर्वाचित साँसद एवम् केन्द्रीय सदस्य सँजय कुमार यादवको प्रमुख आतिथ्यमा सोमबार बसेको बैठकबाट डिप्लोमा ईन्जिनीयर जनमत सँघको गठन गरिएको हो ।

समितिको उपाध्यक्षमा सँतोष रविदास र राजनरेश पण्डित चयन भएका छन् । यस्तै, समितिको कोषाध्यक्षमा दिपक मण्डल, सचिवमा राम विनय साह र सहसचिवमा गौत्तम यादवसहित ३५ सदस्यीय समिति चयन गरिएको हो ।